أمثال شامية

قال: للقرعة مشطين وللعمشا مكحلتين

متل بشكير الحمام من ايد لايد

قال : فارة وقعت من السقف قالتلها القطة اسم الله قالتلها اتركني بحالي وانا بألف خير من الله

قال: خنفسة شافت بنتها على الحيط قالتلها تقبريني متل اللولية بخيط

قال: صار للدبانة دكانة وصارت تسكّر على بكير

قال: زبال وشاكل وردة

قال: الجمل لو شاف حردبتو كان وقع وانكسرت رقبتو

قال : لبسو المكنسة بتطلع ست النسا

قال : لابق للشوحة مرجوحة ولابو بريص قبقاب

قال: الله يخليلي ياك يا لساني شلون ما درتك بتندار

قال: عم يتباهى بضفاير بنت خالتو

قال: من زبيبة بيخمر

قال: يا فرعون مين فرعنك؟؟ قلو ما لقيت حدا يردني

قال : حط اصبعتك بعينك متل ما بتوجعك بتوجع غيرك

قال : متل الحرباية بالوش مرايا وبالقفا صرماية

قال : البرغوت قال للبقة يضرب الشرشوح اذا اترقى

قالو لكتّار الغلبة نص الدنيا الكن..... قالو النص التاني لميين؟؟

قال: ست وجاريتين على قلي بيضتين

شو ما طبخت العمشا جوزها بيتعشى

قالو للبغل مين ابوك ؟؟ قال الحصان خالي

قال: من معرفتو بالصحابة بيترضى على عنتر!!

قال: ياللي القلم بايدو ما بيكتب حالو من الاشقيا

قال : عم بيرش على الموت سكر

قال: ان بزقنا لفوق على شواربنا وان بزقنا لتحت على دقنا

قال : عاشقك لا تاخديه ومطلقك لا ترديه

قالو للقرد لسه الله بدو يمسخك .....قال يمكن يساويني غزال

وينك من زمان ههههههههههههه مواضيعك ممتعة يسلمووووووووووو

الله يسلم هالايدين على مشاركاتك الرااااائعة وبانتظار مزيدك العطر