- بنت طيبة الامام كتب:
- شكرا لمروكم بعدين يا اخي ابو احمد شو قصدك بتوعية المراة الطيبانية متل شو يعني
حاااااااااااااااااااااااج هيك شو بدك اكتر من هيك ؟؟؟؟
معليش مع احترامي لرايك مافي حدا اوعى من المرأة الطيبانية وما فهمناك غلط!!!!!!!
اختي الفاضلة عنجد فهمتيني غلط
المرأة الطيبانية واعية اكيد وما عنا ادنى شك في ذلك .. بس انا قصدي هون الاستقلالية في التفكير
انا ك طيباني كتيير مبسوط انو المجتمع الطيباني مجتمع محافظ وكتيير مبسوط انو كل طرف من اطراف البيت الزوجي بيعرف اللي الو واللي عليه وكل واحد بيلعب دورو الصحيح في البيت الزوجي
الرجل كرب البيت عندو ميول للسيطرة
المرأة ك ست البيت عندها ميول للتبعية
وهاد الشي هو الصح وكتيير كويس بس فيه شي مهم ناقص
انو يكون عند المرأة ميول لتبعية الرجل لا ينافي بان يكون للمرأة شخصيتها المستقلة ورايها المستقل ولما بيكون عندها شخصية مستقلة لا ينسف ميولها التبعي للرجل
المرأة الطيبانية واعية اكيد .. بس احساسها بانها خلقت فقط لاسعاد الرجل .. بيخليها غير واعية بهي الناحية .. بيخليها تسعى لاسعاد رجلها بطريقة خطأ او ناقصة .. احساسها هاد بيعمل منها دمية وفقط دمية في بعض الاوقات وفي اوقات اخرى طباخة وجلاي ووالخ
يمكن درت ولفيت كتير حوالي الموضوع لانو ما بيصير فوت بالموضوع بشكل مباشر .. بس ان شالله تكون وصلت الفكرة
ويمكن اخد هيك فكرة لانو لسه ما عشت الحياة الزوجية .. بالنهاية الله اعلم
واعتذر ان كان هناك ما يخالف لشروط المنتدى والمجتمع المحافظ
الله يحمي الطيبة واهل الطيبة والسلام عليكم