كيف ندعم شباب الحرية؟

ستبقى طيبة الامام شعلة تضيء درب الحرية والأحرار...
كيف ندعم شباب الحرية؟
أرجو منكم المشاركة في هذا الموضوع والله الموفق...

مرحبا شباب الحرية بدن دعم بزيادة العدد بس شوي والدعم الباقي بيجي من رب العاليمن الشباب بكفو بوفو بقومو بالواجب
لك مين جزيل الشكر

تحية طيبة وبعد من مناديب الرياض في المملكة العربية السعودية
الى أهالي طيبة الإمام فردادا فردا
واهلا وسهلا بكم

يا شباب الطيبة الواعين مافي حدا بينادي بالحرية وبتعملو اللي عملتو يوم الجمعة الماضية
بالبداية اي حرية عم تنادو فيها هلق الحرية بمفهومكن انو زعران من عيلة يهجمو على عيلة تانية
اذا هي الحرية ما بدنا اياها
هل الحرية انو زعران الطيبة يلفو على زعران صوران واللطامنة وتجو تعملو مشاكل بالضيعة
اذا هي الحرية ما بدنا اياها
اصلا انتي واللي عم يقودكن إلأى الحرية المزعومة قاصري نظر لانو اللي بدو ينادي بالحرية
ما بينادي فيها بحارة لا مافيها غير العقلاء
روحو تظاهرو بمكان حدا يقدر يسمع صوتكن فيه
اما لو بدكن تضلو العمر كلو تظاهر من الدوار الشرقي للدوار الغربي بحياتكن ما رح تاحدو
غير التعب والصوت النكر
بعدين يا اخي اي حرية بدكن ومع مين اذا انتو لاغين الطرف التاني تماما لا بتصدقو ولا بتسمعو منو
يا محلا أمان حافظ الأسد ويا محلا أمان بشار الأسد
والله هنن ما قصرو باللي عملو ببعض أولياء الزعران اللي عم يتظاهرو هلق
ستبقى الطيبة وحماه وسوريا وفية للرئيس بشار الأسد كمان كانت وفيه لحافظ الأسد
بالروح بالدم نفديك يا بشار - الله سوريا بشار وبس
بعدين لك يا اخي مين اللي عم يتقدمكن واحد دكتور بالجامعة طلع على حساب الدولة
سرق ونهب من مالي ومالك ورح لهون ملياردير
والله قلبي عم ينفظر قسمين وانا عم اكتب هيك
بس يا شباب ضيعتي أنا بعرف كل شباب الضيعة والكل بيعرفني
وبحبهن وبيحبوني وبين وبينهن موحدة ومحبة تجمع القلوب
وانا لما عم اكتب هيك عن البعض عم ابكي وانا عم اكتب
بس بلغ السيل الزبا
خليكن عاقلين ولا تسمحو لاي شي يفرق العشائر والطوائف اللي بالطيبة
كلنا اخوان واحباب
وبحب قلكن شغلة وحدة نهار الجمهة اللفات بتاريخ 20 - 5 - 2011 اللي عملتو
>>>> والناس اللي تزعرنتو عليها ما ردو بالمثل لانهن طول عمرهن اكرم منكن
بس بنفس الوقت احذرو غضب الحليم لانو اذا عدتوها صدقوني رح تلاقو شي ما بيعجبنك
ورح تضل سوريا حرة أبية ورح يضل بشار قائدنا دائما وابدا
وبقلكن الطريق إلى خراب سوريا غير سالك بسبب تراكم الأسود
الله ينصر سوريا وبشار ويعادي كل من عادانا

أخي مغترب
سنختلف بالآراء
بس الذكي والحليم اللي ما بيتكلم ألفاظ لا تليق بتعليمه ولا بتربيته
واحسبك انت من الناس الافاضل ( بس مقهور شوي ) ولا يكلك فكر
رح تمر هالغيمة وترجع المي لمجاريها
بس انت كون ذكي ولا تصب الزيت عالنار

حاول بكلامك تكون انت اللي بسيتوعب الناس
الصحابة اختلفو واقتتلو بس هذا غير مبرر انو نصير هيك
بدها شوية تفكير
وكل مين يعبر عن رأيه وينسى الطرف الثاني

اللهم انصر الحق

الأخ الفاضل القائم على هذا الموقع
انتو طرحتو استفتاء مع شباب الحرية او لأ
بالبداية يا ريت حضرتكن قبل ما تطرحو هذا السؤوال
تعرفو شو يعني كلمة حرية
لانو بنظري هي اللي عم تسموها حرية لا تمت للحرية الا بالأحرف فقط
عرفونا شو يعني حرية وبعدين عمل استفتاء متل ما بدكن
بعدين بالتعليق اللي كتبتو من قبل انت بتعرف حق المعرفة مو الكل زعران
بس للأسف حبة بندورة منزوعة بتعيب السحارة
وفهمك كفاية

بسم الله والحمد لله والصلاة والسلام على رسول الله وعلى اله وصحبه ومن والاه ومن اقتدى بهداه الى يوم الدين امابعد :

ياشباب أنا بصراحة متل أخونا المغترب كلامه كتير واقعي مع بعض التحفظ على بعض الالفاظ لكن بصراحة الي صار الجمعه الماضيه نشروه بجريده الرياض وباسم طيبة الامام يحرقون صوره للرئيس فهل هذا شي بصير هلا اغلب المناطق بسوريا هدت وما ضل فيها الا القله قوم بنجي نحنا اهل الطيبة بنعمل فيها أحرار والي طالبوا بالحريه هلا وينهن جروا المسلحين لعندهن وجروا الجيش لقتال داخل المدن وتبادل اطلاق نار راح ضحيتها ناس كتير ابرياء ان كان من المدنين وان كان من العسكريين ونحنا بالطيبة بغنى عنها ومتل ماقال الاخ المغترب لو نضل بالطيبة نصرخ ليل نهار ما حدا رح يرد وبعدين هاي حماه موجوده الي حابب يتظاهر يطلع لحماه ماضروري يوجه الانظار على الطيبة ويجر المسلحين لاسمح الله والله ينصر الحق اخيرا وشكرا للجميع مع العلم انا صوتت لا تحياتي لصاحب الموضوع

شكراً لكل من مروا.....
ما أجملنا ونحن نقبل بعضنا البعض سواء اتفقنا أم اختلفنا
لعل أحد الأسباب التي دعتني لأكون منادياً بالحرية هو ذلك الاستبداد بالرأي الجاثم على صدورنا منذ 40 عاماً بل وأكثر...
أولئك الذين يقولون أنا أو لا أحد...

يا شباب اذا راحوا لغير منطقة اهل المنطقة الثانية بفكروهن ....

وبعدين بتعرفا المخابرات عنا اذا الواحد بيعطس بتعرفو
فمنعبر عن رأينا من بيوتنا
بس يا شباب هي وجهات نظر منختلف فيها
بس القلوب يا ترا صافية ولا

عبدالسلام الخطاب أبو منير كتب:

يا شباب اذا راحوا لغير منطقة اهل المنطقة الثانية بفكروهن ....

وبعدين بتعرفا المخابرات عنا اذا الواحد بيعطس بتعرفو
فمنعبر عن رأينا من بيوتنا
بس يا شباب هي وجهات نظر منختلف فيها
بس القلوب يا ترا صافية ولا

أخي عبد السلام كلامك صحيح ممكن يفكروا في شي بس برايك منيح ان نحنا

نجيب اهل صوران واهل اللطامنه واهل معردس وغيرهن لعنا ليعملوا مظاهرات

كمان من حق الناس تفكر انهم ؟؟؟؟؟ متل ما قلت حضرتك لهيك نحنا عم نقول

مافي داعي نجر الرجلين للطيبة ما هيك بتنحل الامور .

واكيد الي بميز اهل الطيبة هو مهما حصل اختلاف بالاراء بتبقى القلوب صافيه

ولايمكن تتوسخ القلوب مهما حصل ان شاء الله والطيبة ضربت ورح تضرب

اكبر مثل بالتاخي والحب والاخويه بكل سوريا ورح يضلوا هيك على طول

ان شاء الله تعالى

أولا انا سعيد بالمناقشة بهذا الموضوع وبتمنا تساعدوني بالاجابة عن بعض الأسئلة حتى نقتنع انو ما نأيد التظاهرأولا1:بحب اسئل المغترب ليش سما اسمو بهذا الاأسم لأنو بلدنا مأمن لنا كل شي مثلا2: النفط اللي بلدنا والثروات الكبيرة ويني 3:ليش منعا المنقبات من دخول المدارس وحتى دون انذار4:ليش بيضيقا على العساكر وبيمنعا النسبة الكبيرة من الصلي5: ليش الضابط اذا كان ملتزم شوي بالدين ما بخلو يستلم مكان حساس6:هاي الحرية اللي بدو يعرف شي عناها7: ليش مابيقضا على الشبيحة والجميع بيسمع انو مانهن سائلين عن الدوله بهربا وبيخطفا البدهن ايا سيدنا عمر قال لو عثرة شات بالعراق لكنت مسؤول عنها8شو موقفك من الجثث اللي عنا تتقتل بس لو تطلع بوجوه الشهداء كيف مبتسمين بتعرف الحقالله بدوا يحاسبهن قالي واحد من حماه قتلو ابو و تركو الجثة امام البت 3 ايام ممنوع حدي قرب عليها هذول شو بكونو وصفهن وصف ينا سب ضميركوبالنسبة لوضع طيبتكن عيب ومحدا بيرضا أنو تنفتن ببعضها بسبب هذول المجرمين اللي ما بخافا الله اذا ماحسنت تقدم شي للناس اللي عما تتقتل وتتعذب والرجال اللي الله محيها ادعيلها

عذروني ما عما اتحمل اللي عما نكتشفو كل يوم

شكرا على المرور وفقنا الله لجادة الحق

السلام عليكم ورحمة الله وبركاته
حبيت رد على الأخ علي
انا اسمي مغترب لاني فعلا مغترب خارج سوريا والاغتراب مو ضروري يكون لأسباب مادية أو أمنية أو سياسية
النفط والثروات الموجودة في بلدنا موجودة وهي الي والك ولكل الناس ولو انت تغربت وشفت انو التعليم بمصاري والطبابة بمصاري والدخول على اي دائرة حكومية بمصاري بهلكك وبتهيك اي مواطن كنت عرفت وين عم تروح ثروات بلدك
بالنسبة للعسكري للضباط اللي عم تحكي عنهن انتي يا سيدي انا اشتغلت بالشام من تقريبا 10 سنين وكان بطبعة عملي التقي بمداء وضباط واحيانا وزراء يا سيدتي خوفنا من الضباط الغير سنيين وهم كبير كنا معيشين حالنا فيه
والخوف من الصلاة بالجيش مسموح وبعرف ناس كانت تصلي ممكن في بعض مناطق يلتقا ناس تعارض وبعدين يا اخي اللوء ابراهيم العمر من كرنا من حماه اللي كل الناس بتقول عنها انها مهمشة كان رئيس لجنة ترسيم الحديدو بمحادثات السلام شو بدك اكتر من هيك منصب حساس او هيك منصب ما بيملي العين؟
وبالنسبة للجثث بس صار عندك قناعة تسمع للطرف التاني وتصدقو او اقل شي تحترم تفكيرو وقتها بنحكي بموضوع الجثث اللي عم تحكي عنو بالرغم من اني متأكد مافي نظام بيقتل ناس وبيخليهن قدام البيت 3 ايام على قولتك وبيدين نفسو
وبالنسبة للشبيحة انت قلت ( الكل بيسمع ) لك يا اخي كنت قول الكل بيعرف حتى نقول انك متأكد من هي المعلومة الظاهر انو مواليدك فوق 94 ولما الدولة عملت حملة طويلة عريضة عليها كنت انت لسا مو مولود ( إذا هيك بعذرك لانك عم تحكي على زمان ما كنت خلقان فيه ) بس بجد اذا كنت انتي مواليدك فوق 94 بكير عليك حتى تفهم شو عم يصير
ذكرت سيدنا عمر بن الخطاب رضي الله عنه وأرضاه خلينا انا وانتي وغيرنا نكون متل الصحابة اللي كانو على زمان سيدنا عمر بعدين نطالب الرئيس يكون متل سيدنا يا اخي احنا مو بالمدينة الفاضلة
بعدين يا اخي ليه انت لآنك معارض بيحقلك تقول رأيك وأنا لأني مأيد عم تطلب من اما قدم للشباب او اسكت وادعي
ليه انت بيحقلك تحكي كل اللي بنفسك انا اما بحكي متلك او لازم اسكت
ولعلمك ولعلم غيرك انا مو ضد الناس الشريفة اللي طلعت بحسن نية ولا الدولة ضدهن بالعكس انا يمكن استفاد منهن والدولة كمان رح تستفاد منهن بس يا ريت اللي عم يطلع يسب ويكسر ويعمل فوضى وبلبلة ويجر الإجر الغريبة على بيتو يعرف انو هو اللي عم يسيء لهدول الناس الشريفة وعم كل قطرة دم سالت برقبة كل واحد قليل ذمة وقليل شرف عم يحرض
بعدين رح اسالك سؤوال طالما انك ضليع بالاسلام وشؤون المسلمين يا ترى عطيني الفتوى اللي استند عليها القرضاوي لما قال ( حيوت كم واحد ومالو ) ولا الفتوى اللي افتاها اللحيدان لما كفر فئة كاملة من المسلمين
يا خي ما بتعرف انو ما بيحق لاي حدا يكفر اي حدا بيقول لا اله الا الله محمد رسول الله ولا هي معليش بنغض النظر عنها لانها بتتماشى مع هوانا
بالنهاية احترامي الك ولك الموجودين واللي عم يشاركونا الرأي
وفيه فرق كتير كبير بين نموذجين مختلفين للمؤيد والمعارض
المؤيد لما بيقول بحب الرئيس وبموت مشان يضل الرئيس بشار قائدنا وحبيبنا بيقولها وقلبو كلو حب واحترام وتقدير للمعرض اما المعرض لما بيقول الشعب يريد اسقاط النظام بيقولها بلسانو ايدو عم تخرب وتضرب وقلبو غل وحقد على كل من قال انا مؤيد
قلتها وبرجع بقولها الطريق إلى خراب سوريا غير سالك بسبب تراكم الأسود
بالروح بالدم نفديك يا بشار
وعاشت سوريا حرة ابية موحدة بمسلميها ومسيحيها ومؤيديها ومعارضيها
مع حبي واحترامي وتقديري للأخ على ولحميع الموجودين
والسلام عليكم ورحمة الله وبركاته

أخي الكريم نحنا بنحترم رأيك وما عنا حقد على اللي بأيد أو بعارض أولا وأخيرا نحناولاد بلاد واحد وعما نحاول نوصل لرأي واحد بس ما جاوبتني ليش منع المنقبات من الدخول للمدارس وأنا متغرب مثلك وضليت بالامارات 6 سنين مستغرب من كلامك على الحريات بسوريا بنتمنا انو تكون واقع وبعذرك انو تقول مواليدي فوق 94 لأنوبجوز كون أكبر منك بالعمر ومارس بالحياه أكثر منك لكن الموضوع حقائق موجوده بنحاسب على الشي الموجود وعلى الفساد اللي أمامنا الرئيس بشار بنحترمو لاأنو لساتو رئيسنا ليش ما حسن للفساد ب 11 سنة اليابين ب5 سنوات صارت من الدول المتقدمهوهل الانتخابات بسوريه نزيه

وبدعيلك الله يفك عنك وعنا اغترابنا مهمما كان السبب

عاشت سوريا سنية وعلوية ومسحيةودرزية الله يهدي الوضع ويحقق الحق والسلام عليكم ورحمة الله وبركاته

بالنسبة للاخ علي بعد التحية

عم بسمع مسألة المقبات يا اخي مين قلك النقاب شرعي وإسلامي لو بتعرف شو السبب بالالغاء ماكنت اصلا طرحت القصه للنقاش يااخي العزيز قب الشخص يناقش بقصه يعرف حيثيات والاسباب رح اطرح عليك قصة صارت بالازهر الشريف لما منعوا المنقبات من دخول الجامعات ولما سالوا الشيخ من الازهر عن السبب شو قال قله بعد كل هاي الحمله رح نكشف القصه ان في شباب كان يلبسوا لباس المنقبات دخلوا غرفه بنات بالجامعه وارتكبوا الاغتصاب لهيك منعنا والشرع الاسلامي سامح بالوجه والكفين بقا ليش التشديد والتشدد على الفاضي .
نحنا بسوريا وبنعرف قصه المنقبات وقصص الغش بالامتحانات وقصص الآراء الي عم ينشروها والافكار الي عم تبث من قبل المنقبات لان اغلبهن مو الكل افكارهن معروفه معروف تابعه لمين ومن وين تعليمهن اخدينه لك رسول الله صلى الله عليه وسلم طلب منا اتباع اهل الشام وعلماء الشام وهالناس بتروح بدور على اخر العالم وما بتمشي ورا كلام علماء الشام الروسول صلى الله عليه وسلم قال : الامان يوم الفتن بالشام وقال ان الله تكفل لي بالشام واهله وقال لاتجتمع امتي على ضلاله ومن شذ شذ في النار
ليش ما بنمشي ورا الشيخ البوطي والنابلسي مثلا شو كان رايهن بالي عم بصير ولا كمان البوطي ما عاديعجب لان كلامه ما بتوافق مع كلامنا لك المصيبة وقت القرضاوي بحكي ولا اللحيدان ولا لالا غيره بنسمع ووقت ابن الشام وعالم الشام الي امرنا ربنا ورسوله باتباعه نحنا وغيرنا بنرميه ورا ظهرنا وبنقول غلطان او مسيس او او او الخ وبنضر بكلام رسو ل الله صل الله عليه وسلم بعرض الحائط الله يسامح الجميع

بنضل ولاد بلد واحد ما بفرقنا شي لكن مجرد رأي والحرية بتعني رأي ورأي اخر لكن انا دخلت مره تانيه للموضوع لان صار بالموضوع لبس شرعي وحبيت اشرح وجهه نظري

وبالنسبه للشهداء الي حكيت عنهن اخي علي ما حدا بالدنيا فيو يقول ما هني شهداء بس مين الي قتلهن ؟ عطيني هلا دليل قدام كل البشر ان الامن ولا الجيش هو الي قتل ؟ عطيني دليل ان مافي مندسين ومافي مخربين دخلوا لسوريا ؟ يااخي خلونا نكون موضوعين يعني مثلا الجيش يدخل للمدن ليش بالله ؟ عشان يقتل الناس لك يارجل عنا رجال امن كافيه وموفيه وكتار الحمد لله قادرين يقتلوا كل المتظاهرين بساعه ( مو على اساس مو مسلحين ) بقا ليش يدخل الجيش فهمونا اياها هاي انا مع المعارضه بصير من تاني يوم ؟ ليش يدخل الجيش وعنا امن قادر يقتل كل الناس بساعه بضرب رصاص حي ؟ اذا ماكان في مسلحين على قولتك ؟

والسلام عليكم ورحمه الله وبركاته

يأخ صادق اذا انتي بتفضل أنو أقاربك ما يوضعو نقاب فهذا شأ نك ولك كامل الحرية وأيضا الي بيفكر يوضع نقاب لأهله فمن حقه أن يضع لهم ليش بحرمو من الوظيفهوانت تقول أن النقاب غير شرعيهنالك خلاف على وجوب النقاب وليسعلى شريعيته يا أستاذ صادق بس المدرسه صارت ارهابية اذا حطت نقاب برى المدرسه وبالصف شالت النقاباذا انتي سمعان عن أفكار المنقبات لازم تكونك ذكي وتعرف أفكار اللي عما يحارب الاسلام وتهمو بالارهاب للأسف لهلق انتي مقتنع أنو في مندسين لأنو مصدرك من قنوت النظام أخي في ناس أجا من البلد ونقلا الصوره الحقيقية كيف عما يروحا يعبا بالصات من بعض الضيع ويعطوهن 2500ليرسوري مقابل يوقف أما الجامع ويضربى المتظاهرينبتقول مندسين وأنتي أدرا بالمخابرات السورية وبقوتها على شعبها ياحبيب اذا بتفوت ذبانه بحققا معها واذا كان كلامك صحيح وهالمقابر الجماعيه مين مسأول عنها ليش ماحما الشعب فهن أيضا متخاذلين مشان شق بعض الصور بجيبا جيش بس مشا مقابرجماعيه وقتل انتي عما تشوفو على التلفزيون هنهن بيعجزا يوقفو القناصة اللي عما تشوفها على التلفزيون كمان مندسين دولتك فاشلة تعرفهن حتى توصل للحقيقه شوف أخبار من الطرفين لاحو ولا قو الا بالله العلي العظيم اللهم عليك باليهود الحاقدين وأعداء الدين وانصرنا على القو م الكافرين وثبتنا على الصراط المستقيم اللهم من أراد بالاسلام خير فوفقه لكل خير

اخوتي الكرام مع ذلك لم يجبني احد على سؤالي :

شيلونا من قناة الدنيا والجزيره نحنا كلنا النا عقول بتفكر والسؤال التالي :

ليش الجيش دخل مع ان قوات الامن قادره على القنص والقتل بساعه لكل المتظاهرين الخارجين فهمونا بدون قناة دنيا ولا جزيره ولا حتى اعلام ليش التهرب

يعني واحد عنده قوات امن مخفيه بلباس مدني يعني بكل سهوله فيو يقتل مليون واحد ويتهم مندسين ليش برايكم دخل الجيش السوري ما الكل صاير محلل سياسي والكل ماشاء الله صار مفتي وصار سياسي يتفضل الاخ علي ويجيب

بعدين بالنسبة للمقابر الجماعيه برجع بطلب منك دليل قطعي عليها شيلك من قناة دننيا وغيرها انا هلا بعطيك خبر وبقلك ان في عشرين عراقي لقيناهم بالطيبة فيك تاكد الخبر او تنفيه طبعا لا وهيك الي صاير يااخي وقت بتاكد الاخبار شي طبيعي كلنا نوقف مع الحق

بعدين بالنسبة للنقاب لا تاخد بس جزء من كلامي وترد وتترك الباقي رد على كل شي سمته انا قلت هو خلافي يعني فيها المره تحط وفيها ما تحط وهدا شرع الله بس بالنسبة للحط الحجاب لما بكون في خطوره بلاه من اصله يعني وقت بتدخل بنت منقبة على قولتك الجامعه وبتصير تغش بالجوالات تت النقاب لما بفوت شب باسم بنت لعند صاحبته بلبس النقاب يعني الي بدي وصله شغله وحده في شي اسمه بالشرع الاسلامي قاعده فقهيه بتقول يزال الضرر الاشد بالضرر الاخف ومدام هو خلافي والاثنين شرعي وبصير خلص شيله من اصله ومع هيك الموضوع انتهى والرئيس رجعهن الله يجزاه الخير مع ان ذكرنا السبب بالمنع

اخي علي لا تاخدك الحراره باللف خلينا اخوه ونحنا هون اخوه ونقاشنا كتير ادبي لما بدك ترد من اصول النقاش ترد على كل كلمه وكل سؤال وتساؤل وهذا من حقنا لان الطيبه النا كلنا مو الك ولغيرك بس مو لبعض الناس والباقي لا

والي عم بصير عم ياذي ورح ياذي لهيك بحقلنا نعطي رأي ونتساؤل ولازم على كل موافق يعطينا اجوبه واضحه والا بكون اسمه تخبيص ولعب

لهيك بقلك بلا اسلوب قناة الجزيره بالحوار اوك

وشكرا اخي عبد السلام مع احترامي لك الكلام موجه الك كمان وتحياتي

هههههههههههههههههه هيك قولتك اخي هههههه

خي شخص واحد بس برشاش بقتل خمسين بضغنه زناد

هههههههه بس والله النقاش بهيك امور عقيم وكل واحد يمشي ورا رايه

ومافينا غير ندعي لاهلنا بالطيبة بالامن والامان والله ان شاء الله يسر

الامور للخير وبنقول دعوه اخيره الله يظهر الحق ان شاء الله تعالى

يا أخ صادقنحنا مابناخذ أخبارنا من الجزير وبسأخو لصديقي عما يدرس بحلب ساكن بالمدينة الجامعيهدخلو عليه الحفظ انظام ووأخزو جوالات كل الغرفة وسلخولهن جلده بالضرببدون ما يساو اشي وعتقلو بنفس اليوم 300 طالب من المدينة وعذبوهن الخبر الثاني يا صادق دخلو على بيت زميلي مغترب معي في العمل وخلعو البواب وكسو الخزن ورشو بيت من جوا طبعا من الجيش بدك تعرف ليش مشان يورطا الجيش معهنواحد من رفقاتي جابو واحد منضيعتو بادلب جاي مع الجيش ولا بيطلع جايبينو يضرب ضيعتو عطو الامر بالضرب فهرب هو و7 من رفقاتو قامو رشوهن الشرفاء من الجيش حسب اعتقادك بس المشكلتك انو لهلق مانك متأكتد من المقابر الجماعيه ومعتبر انو اللي عما تشوفو تخريب مندسين بس بكرى انشاء الله ترجع على بلدك بتتأكد من الحقيقة بس ان شاء الله بكونا خلصنا من المندسيين الحقيقيين بس بحب خبك انو البلطجيه وأهل الجمال ما حسنو يوقفو ا بوجه الحق والعدل بمصوتصريح رامي مخلوف كأنك مانك سمعانو بدك تعرف ليش الجيش متدخلأولا لانومتشبثين بالكرسي بقوه فمستعدين يبدا شعب كامل ولاتخاف عليهن الجيش الي ضرب حماه 1982 بتعرف شو سوافيباد الجيش كامل لبنان على أساس قال اسرائيل ضربتو هذا مشا ن يخفا التاريخ لانو ماكان في جولات تنقل الاخبار

لا حول ولا قوه الا بالله العلي العظيم
انا لله وانا اليه لراجعون

مرحبا يا شباب بتمنى تكونو بخير وبصحة
بالنسبة للأخ اولا بتمنى تكون من عمري او اكبر وبيسعدي احكي مع واحد واعي متلك على فكرة انا من مواليد 76
المهم ما جاوبتك على موضوع المنقبات لاني آخر ما أناقش فيه هو الدين واكيد في اسباب لمنع المنقبات انا بأيدها انتي بتعارضها كل واحد وشأنو
بس في سؤوال نفسي انت وكل الشباب الواعية الموجة تجاوبني عليه والأجدر يكون الاستفتاء عليه مو مع أو ضد الثوار لانو لهلق ما حدا اتفق عليهم ثوار حتى القوى الخارجية العظمي بتقول ثوار ليبيا ومتظاهري سوريا
سؤوالي هو شو المطلوب هلق؟
لوين بدهن يصلو المتظاهرين
بدهن يسقطو النظام بدهن الرئيس يتنازل
يا اخي رح كريم وقول 50 % بد هن تغير النظام و 50% ما بدهن تغير النظام
بارغم من انو اللي بدهن يسقطو الظام ما بيشكل 10 % من الشعب السوري
وخلينا نفترض جدلا انو طلع بكل محافظة 100 الف متظاهر وهذا مستحييييييييييييييييييييييييييييييل ما طلو ربع ربعهن بس خلينا نقول 100 الف بكل محافظة
يعني بجميع انحاء سوريا طالعو 1400000 متزاهر
طيب معقول هالعدد البسيط جدا يلغي تماما 23000000 مليون ويستمر بتعنتو تزمتو
ولا تتوقع انو هالعدد البسيط يعمل اللي ببالو من غير ما يعير للباقي اي اهتمام
يا اخي انا مقيم بالرياض والتقيت باكتر من شخص بدهن يغيرو النظام وبدهن لاحظت فيهن عاملين مجتمعين بكل من قابلت
اولا جميع اللي قابلتهم وربي بيشهد على كلامي هنن من المستفيدين من النظام بطريقة أو بأخرى
منهن اللي ابو كان مسؤول ويسرق دمي ودمك
ومنهن اللي اخو واصل وبيعمل اللي بدو اياه
منهن اللي كان متأمل انو يستفد من التغيرات الأخيرة اللي صارت لانو بيعرفو ناس استلمو مناصب ولما شافو حالهن خارج الفائدة انقلبو على النظام
والشي التاني المشترك هو السؤوال الي يلزم جميع الداعين للتغير الصمت وهو شو طلبكن
صدقونو يا شباب وربي العزة لما اسال اي حدا فيهن هاد السؤول يصمت وما يلاقي اجابة لانو بالأساس ما عندو شي يطالب فيه
بعدين لك يا اخوان اللي ما بيشوف من الموخل بيكون اعمى شوفو شو صار بثورة تونس ولا ثورة مصر
سو استفادو غير تعطيل البلد ومصالح الناس وكا ما استلم واحد منصب بدهن يغيرو وآخر شي بمصر بدهن ثورة جديدة لحماية الثورة القديمة وبعدها بيطالبو بثورة تانية
لك يا شباب والله الدم السوري اغلى من اغلى شي في الدنيا
بيكفي دم وبيكفي بكي امهات وبيكفي نساء تترمل واطفال تتيتم خلص تعبنا من منظر الدم
انا براي انو الشعب السوري عظيم والشي اللي قام فيه عظيم بس خلص لازم يكون في سقف نمشي تحتو وهو الدم السوري الطاهر
المفروظ نكن ونهدى ونعطي فرصة للنظام للاصلاحات لانو عرف انو الشعب السوري بيستاهل كل خير
وصدقوني يا شباب رئيسنا وكثير من قياداتنا جيدين وبدهن اصلاحات للبلد وبيحبو الشعب
عطوهن فرصة يطبقو الاصلاحات اللي وعدونا فيها واكبر دليل المازوت وصدقوني الوضع رح يصير افضل بكتيييييييييييييير
والمفروض احنا نساعد الحكومة على الاصحات بعدم الاحتجاج وعدم شغل الحكومة وةالأمن والجيش بمشاكل طائفية وعشائرية عم نختلقها باسم الثورة وبالحقيقة الثورة براء براء براء من اشيا كتير عم نشوفها بالشوار
ودمتم ودامت سورية بشعبها وقائدها في أمن وسلام وانشاء الله منصورين بمحبتنا واحترامنا لبعض
وتقبلو تحياتي

انا معك اخي المغترب ميه بالميه وما في اي كلام او غبار وردي على علي كان سابق لان ماجاب شي جديد ولا حدا جاوب على سؤالي ولا حدا عم يعر ف يجاوب ولا يناقش لهيك اخي علي جوابي هو مداخلتي السابقه لان ما جاوبت ولا على تساؤل على كل حال انا مع المغترب وبنسحب من النقاش لان خلص وصلنا حقنا وفهمنا بعض كتير منيح وشكرا لكم

الله يحمي ال طيبة ورجال وعلماء الطيبة يارب وتحياتي للجميع

السلام عليكم ورحمة الله وبركاته
يا شباب الاراء اختلفت والكل ما شاء الله فيكم البركة
ومثل ما قلت اخ عبد السلام اذا راحو على حماه بيفكروهن
ولم يجو اهل صوران وغيرها اهل ضيعتك ما بيفكروهن
وبالاصل ليش يخلوهم يجو ويتظاهرو بالطيبة ليش مو اهل الطيبة بيروحو
بيتظاهرو بصوران مو هي الناحية
يعني اكيد رح يوصل صوتهم اكتر من لم يظاهرو بالضيعة
وبالاخر ما منقدر نقول غير الله يكون بالعون احسن الشي

ياأخي هي فرصة 11 سنة وبعدين كيف بتقولو ان ثورة مصر بمعنا انها فاشلة يأخي كل الشباب اللي بنعرفهن من مصر واسفرو رجعوا بأكدو انو الوضع عندهن انقلب كثير للأفضل ياخي الاعلام وين من كان مسيسوياصادق ان شاء الله بكرى لما بتروح على السوريا بتتأكد بفسك وبتلاقي الاجابات السليمه بنفسكوبتتأكد من اللي عما يصير

السلام عليكم ....كيف شباب الطيبة .. بعد السلام انا جديد بالمتدى بس والله لما شفت هل النقاش انبسطت .. وصار في تبادل للآراء...في شغلة انو نحنا كلنا مغتربين .. وقاعدين بلد الغربة.. بس حابب اعرف ليش انا وانت و انت وهو مغتربن مين السبب يا ترى .. بالنسبة الي السبب الاول والاهم هو خدمة الوطن وكلمة (الوطن) خليلياها بين قوسين انا واحد من الناس مارحت على الجيش لعدة اسباب 1- هو الاهانة للصلاة والمصلين 2- الاهانة للانسان بيتعاملو معانا كانو حيواانات . واذا في حدة رح يقلي انت لتخدم بتتاكد من هل الحكي والحكي مو مزبوط .. من هلق بقلو سامحيني كلامك مو صحيح .. لان انا رحت على التدريب الجامعي وشفت بعيني الاهانات للشباب السنة حصرا .. ولل ماعندو واسطة بالاخص بيتشرشح .. كان الضابط يتمسخر على الصلاة والمصلين كانو شي اقل من عادي واسف للهل الكلمة الي رح قولها .. يقول الضابط ولا ليش انت ويا عم طوبز قدام زملائك لهل الدرجة فرحااان ب........ وغير الاهانات الي ما بينحكا فيها . وسبب التاني انو ما الي فرصة عمل بلدنا الحبيبة سوريا .. كمان ليش .. لانو بكل تواضع مالي واسطة ...وبعطيك مثال اخواتي 2 اتخرجو من الجامعه واحد اتخرج ب2000 والتاني ب2002 وربي يحكي هل الحكومة الي طاعلت مسابقات للهل المتخرجين يا سيدي قدما الاثنين على اكثر من مسابقة والحق يقال ينجحى بس ما يتوفضفو بس ا ترى ليش كمان لانو مافي واسطى .. واخر شي قالولون ادفعو 200000 الف ليرة سوريا لحتى دبرلك اسمك .. قام من يومتها اخي عطا شاهدتو لابنو يشخبط عليها والندم على الساعة الي درس فيها جامعه .. وبتقولو الوضع عنا ممتاز على شو ممتاز .. وطبعا في غيري مغترب لاسباب مادية كمان ما الو فرصة عمل بسوريا وغيرو لاسباب مادية والتاني لاسباب مادية والتالت والربع والمليوون .. وفي ناس لاسباب امنية ..اي يا اخ صادق يعني رجعو المدرسات وسمحو بالنقاب بالجامعات .. معناه صار امان وما عاد في ناس تدخل لعند بنات يغتصب البنات .. ورخص المازوت لل15 اي حلو بس بقلك يااخ مغترب لو مو هل الناس طالعة ومتظاهرة اي بحياتك ولا بحياتي بنحلم ينزل قرش واحد وكان على زيادة .. والاخ اسير انتي عم تقول خايف من هل الناس الوسخة الي بدها تتفتعل بنات الناس .. بسالك ليش انت خايف ليش مو هنون يخافو منك لو كلنا ايد وحدة ضط هل الشبيحة الوسخين ماكان في زلمة يسترجي يطلع فينا .. بس هو خوفنا وضعفنا عم يقوي هل الناس الوسخة .. اذا ما غيرنا بنفسنا رح نضل مذلولين لهيك ناس .والاخ مغترب قال انو في واحد من بيت لعمر موقعو كويس .. بس عطيني موقع حساس بالدولة مو بأيدي العلوية او احد افارب بشار الاسد. حاج نضحك على بعض ونسكت حالنا غصب العنا ..وانا بسترب من الشخص الي بيصدق انو في مندسين ومخربين .. اي هو في مخربين بس منهن وفيهن ..ويا اخ صادق ما فيهن يقتلا الناس كلها لاو هيك رح يبين انو عم يقتلا المتظاهرين العزل .. اما وقت بدخلولك كم شبيح على اساس انو مخربين بصيرو يقتلو براحتهن بس باعداد اقل شوي .. وياترى مو عاجبك صار انقتل 1100 بني ادم لك والله لو 1100 صرصور كان زعل الواحد عليهن .. وانا باكدلك وبقلك انو الي عم يقتل هنهن الامن وبس .. وهون عندي واحد درعاوي .. بعد اخو ما فقدو اكثر من 20 يوم اجاهون ميت .. راحو يستلمو .. لقو انو مصاب بشضية برجلو والسبب الموت هو التعذيب حتى الموت .. لسا بتقولولي مندسين .. لك الكل بيعرف انو مخابراتنا اقوى من الموساد الاسرائيلي .. الذبان الازرق ما في يمر بدون ما يعرفو .. وكل شخص عميشد على ايد النظام .. صار بذمتو هل الناس الي عم تموووت و الي رح يموت بالمستقبل .. وبدي اسالوو للمغترب ياترى اذا سقط الاسد آل الاسد رح تطلع بمظاههرات تطالب برجعتو .. بما انك بروحك و بدمك بتفدي ... ولا رح تفدي الرئيس الجديد بروحك ودمك .. و بالنهاية لا يصح الا الصحيح ... وربي يحكي كل اخواتنا بسوريا مو بس بالطيبة .. و الله يبين الحق عن قريب انشالله .. والسلام عليكم ورحمة الله

شكرا يا أخي أبو عمر بس الظاهر اخوانا مابشوفو غير قنوات النظام وماعندهن حدي خادم جيش بيقربهم أو جا يين يتنزهو بالغربة لأنو بلادنا جوها موخرج نزه و شوي كباب ومانهن سمعانين بأحداث حماه ولامرجاععين سفارة لك السعودي لما بروح على السفرة بالشام بفوت اللي بدو يا معو أم انتي لما بتروح على سفارتك بتشوف كل وجه مثل .......بدهن دليل انو اللي عما يقتل هالناس من الامن والشبيحة وهن عما يناقضاحالهن بقولا يأخي كويس يجا الشبيحة على الطيبة اذا انتي مانك مقتنع انو الشبيحة هنن اللي عما يخربا لكا ليش خايف يجاعلى الطيبة يا أستاذ خليها يجا و شوعلى اذا كانا مسالمين مافي مشكلة لك والله الطيبة اذا كانت ايد وحه مافي كلب بيسجر يدخلها ويخرب فيها رجال الطيبة مابعدهن رجال بس ياحيف على المنافقين وانا لاقصد من يكون مقتنع بالنظام ولا اعتبره منافق واحترم رأيه اذا كان مقتنع بذلك

شكرا يا أخي أبو عمر بس الظاهر اخوانا مابشوفو غير قنوات النظام وماعندهن حدي خادم جيش بيقربهم أو جا يين يتنزهو بالغربة لأنو بلادنا جوها موخرج نزه و شوي كباب ومانهن سمعانين بأحداث حماه ولامرجاععين سفارة لك السعودي لما بروح على السفرة بالشام بفوت اللي بدو يا معو أم انتي لما بتروح على سفارتك بتشوف كل وجه مثل .......بدهن دليل انو اللي عما يقتل هالناس من الامن والشبيحة وهن عما يناقضاحالهن بقولا يأخي كويس يجا الشبيحة على الطيبة اذا انتي مانك مقتنع انو الشبيحة هنن اللي عما يخربا لكا ليش خايف يجاعلى الطيبة يا أستاذ خليها يجا و شوعلى اذا كانا مسالمين مافي مشكلة لك والله الطيبة اذا كانت ايد وحه مافي كلب بيسجر يدخلها ويخرب فيها رجال الطيبة مابعدهن رجال بس ياحيف على المنافقين وانا لاقصد من يكون مقتنع بالنظام ولا اعتبره منافق واحترم رأيه اذا كان مقتنع بذلك

أنا بعتذر انو قلت انو الماقع الحساسة بمعنا للعلوية واعتذر لاأن سوريا لاتحوي مناصب حساسةلأن المناصب وهميه عبارة عن شوية مصفقين في المجلسيتقنون التثاؤب والبعض مغلوب على أمرهالحقيقة عند ما جد الجد كبوهن بر مثل فاروق وغيرو واستعانو بكلاب الوفية من ايران ولبنان لانو الكلب وفي لصاحبو أسف على العبارات السابقةماعنا مناصب حساسه مجند بالقصر بهز الشام الله بيفرجها وبنخلص من هال العاصفة

السلام عليكم
اولاً انا زلمي حيادي ومالي علاقة
بس يا اخ علي انت عم تحكي هيك كلام وحاقدين على النظام كل هالحقد
ياترا ليش صابرين لليوم ليش ما قمتا تغيرا النظام من زمان
فرضاً من يوم الاحداث بحماه مثل ما عم تقول
ليش صابرين ل هلق لتقوم تونس ومصر وغيرها ليش ما قمتا قبل
انا اسف لكن هذا الكلام يعني انو في حدا وراى هالمظاهرات والناس اللي قامت ماشي ورا ناس ما بتعرفها
وبتقول مثل ما بدهن اول شي الاصلاح بعدين تغيير الحكومة بعدين النظام ليش مابيعرفا والحرية يا ترى شو الحرية اللي بدهن اياها في حدا بيقدر يخبر هالناس عنها وبالاخر ما بقول غير الله يهدي الاوضاع احسن الكل

السلام عليكم

أما بالنسبة للحرية فمعناها واضح لكن اللي يحاول تغيير المفهوم على حساب الأشراف ما بنسمحله
بنصح كل الشباب بالالتزام في الصدق ولا تكونو متل الاعلام السوري

السلام عليكم طيباني
نحنا ما منحاول تغيير مفهوم الحرية ولانا مثل الاعلام السوري مثل ما عم تقول ولا جبناء ونحن لم نحكي كلمتنا ما منخاف غير من رب العالمين
بس لحد هلق ماحدا حسن يقول شو هي الحرية شو بتعني كلمة الحرية بالنسبة الك
بتمنى جاوبني وتكون قلوبنا مع بعض ولو الآراء مختلفة

يا اخ رفيق هلال باذن الله قوبنا مع بعض باذن الله .. انت عم تقول ليش ما طلع من يوم حماه . وليش ما طلع قبل او بعد .. هاد السؤال برأي جوابو واضح و اذا انت مانك عارف جوابو معناه مانك عايش بهل البلد .. ياسيدي يوم حماه والقتل الي صار بحماه ما حدة عرف في لبعد 3 شهور .. حتى حمص الي هي جارت حماه مادرت بهل الموضوع .. وانا متاكد لو في محافظة ثانية كانت بتعرف انو حماه محاصره و عم يقتلو بشعبها .. كانت انتفضت عن بكرة ابيها .. لانو بضن لا ابوك ولا ابوي ولا اي حد بهل الدنيا بيرضى الذل . ولا فينا نقول هل الجيل ارجل من الجيل القبلو ابدا ... بس المثل بقلك ايد وحدة ماتسفق .. واكيد رح تقلي ليش بعدها ما قامت مظاهرات لحد الان .. لان كان في عند الناس خوف من احداث حماه الي راح ضحيته لا يقل عن 50 الف قتيل .. و شفت بعينك وسمعت باذنك يوم درعا بلشو فيهون قتل مباشرة مشان يساو مثل حماه و يقعد الشعب .. بس الحمد الله ايام الخوف راحت ولت وانشالله ما رح ترجع .. وبنعرف الكل ليش قامت درعا مشان 14 طفل اعمارهن ما بتوصل 10 سنين .. ولك يا سيدي لو من وقت اهاليهون راحو يجيبو الولاد ورضيانين يعطيوهن الولاد .. انا متاكد ما رح يصر شي .. بس لانو ابن...... الي رجعهون ما رضي يعطيهون وقلون روحو جيبو غيرهون . والي مابيحسن يجيب غيرو يبعثلنا مرتو نحنا بنخليها تجيب .. لك بقى لو اي شخص في ذرة الناموس بيكت عن هل الشي .. وبتجي بتقول انت وغيرك في ايدي ورى هل الشي .. طيب قلي بطيبة مين ورى هل الشي ايدي مخربي .. ولا بحمص .. ولا بتلبيسة ولا بالرستن ولا بتل كلخ ولا ولا ولا ولا ولا .. لك حرام عليكون حاج تتهمو هل الناس .. شعب هلق لحسن ينتفض .. يعني لازم يكون ورى ايدي مخربة و ايدي مجهولة .. معناه على كلامك .. عنا ما في اي مشاكل.. والامور بالسابق كانت ممتازة و الناس عايش برفاهية عنا لذللك دخلت الايدي المجهولة .. لك طلع على الناس ما معها تاكل لك الناس قامت من كثر الذل و القهر وتحقيرهن للبني آدم .. يعني اذا قامت بقطر او بالكويت او بالبحرين في الواحد يقول ورها ايدي مجهولة ومخربة لانو شعب مرفه مرفه مرفه لابعد الحدود .. ومو ناقص علي شي وشبعان الاكل و اللبس و غيرو وغيراتو ... والحرية تعرفيها معروف .. رح اعطيك تعريف منقول من النت .. وهاذا التعريف .. بينطبق تماما على الشعب السوري حصرراااااااا:
الحرية هي إمكانية الفرد دون أي جبر أو ضغط خارجي على إتخاذ قرار أو تحديد خيار من عدة إمكانيات موجودة. مفهوم الحرية يعيين بشكل عام شرط الحكم الذاتي في معالجة موضوع ما .
الحرية هي حالة التحرر من القيود التي تكبل طاقات الإنسان وإنتاجه سواء كانت قيودا مادية أو قيودا معنوية، فهي تشمل التخلص من العبودية لشخص أو جماعة، التخلص من الضغوط المفروضة على شخص ما لتنفيذ غرض ما، أو التخلص من الإجبار والفرض.

.... وبظن هل الي معرف هل التعريف قاصد في شعبنا السوري ..هههههههه... يعني حتى انت يا اخ رفيق ممكن تقلي ليش حيادي .. هو اي شخص حر وهاد رأي ..بس ياريت تجاوبني .. هل ياترى خوف من المستقبل .. مانك عارف بدو يسقط النظام ولا بدو يثبت النظام .. لانو الحيادي هو المستفيد الكبر .. شو ماصار مارح يصير علي شي .. لذلك اسمحلي مثل هيك بينحط بقائمة الخايفين .. مع احترام للجميع .. والله يهدي الاوضاع .. ويحمي اهلينا بكل مكان بسوريا ..

عذرا

عذرا

عذرا

سأقفل الموضوع إلى هنا
السبب : أن كاتب الموضوع أراد من موضوعه أن يناقش كيف ندعم شباب الحرية
فـ على من يرغب بإبداء رأي مخالف أن يكتب موضوعا يظهر فيه رأيه
وأنا لن أتدخل إلا بحذف الألفاظ النابية مهما كانت الآراء قوية أو سخيفة
وأحيطكم علما بأن اسمي صريح وواضح كالشمس
وأن أغلبكم ؟؟؟؟

وتقبلوا احترامي

بكل الود أتقبل اقفال الموضوع أخي أبو النور وأدعو الجميع للمشاركة بآرائهم في موضوع
من أجل غد أفضل حيث يندرج نقاشنا السابق تحت هذا السقف وليعلم الجميع أننا لسنا ممن يكمون الأفواه