اعتقال مجموعة شباب سوريين بالرياض بينهم شباب من الطيبة

السلام عليكم من الشباب الذين تم اعتقالهم عند السفاره

الله يفك اسرهم
بس من هم يا غالي

الله يفرجها عليهم ويعينهم

الله يفك اسرهم ويعينهم

الحمد لله على سلا متهن وخروجهم

الله لا يتلتطف بجميع العباد
بس يا اخ عبد السلام
هل أمن السفارة من رجال الشرطة السورية حتى استفزهم؟

يأخي الواحد يقول الله يفرج عن المظلوم

أما المخطئ فإن شاء الله ياخذ عقابه

يا شباب بعتذر حدث خطأ املائي
القصد الله يتلتطف بجميع العباد
اما حرف (( لا)) وجد هنا بالخطأ

ارجو المعذرة من الجميع

ولا أحد منا معصوم عن الخطأ والنسيان

وحتى قول الحق يستحق العقاب
نعم عندالله يا ابو حسام عقابه الحسنى وعند رئيسك بشار نظامك وحزبك الخيانة والمظهر الغير حضاري والتخريب بس يقلك شغلة
ما غلطو بس جماعتك اللي عما تدافع عنهن إستفزوهن
بس الحمد لله وقعو مع الأمن السعودي اللي بيعرف الله وبيحكم و بكتاب الله وسنة نبيه وهي الصح مو نظام كوهين وتلاميذه ميشيل عفلق وزكي الأرسوزي



ماشي أخي مغترب وأبو حسام ما بعرف إذا كان حوابي في إساءة لحزبك اللي حاكمك

في علم النفس يأخ مغترب يوجد فلتات اللسان وزلات القلم
وهذا يفضح ما في داخل نفس الشخص
وبالطبع واللحمد لله فيها دكاترة هذا رأيي وليس فرض

ههههههههههههههههههههههههه
مقبولة منك يا من الطيبة
وبحترم رأيك

من الطيبة فيني اسالك سؤوال وتجاوب بصراحة
النظام عم تقول اتركب أخطاء فظيعة
يا سيدي ماشي ما حدا فيه ينكر هاد الشي والكل بيقر وبيعترف بهاد الشي

بس برايك كل اللي عم يطالبو بالحرية هم شرفاء وعم يكون سلمين

يا اخي من الطيبة انت بغير صحفة حكيت شغلة مهمة انو هاد المنتدى لكل اهل الطيبة

انا ما عم اطلب منك او من غيرك تصدقني انو النظام بريء
بتعرف ليش ما عم اطلب هاد الشي لانو الشمس ما بتتغطى بغربال
نعم في اساءات من قبل النظام
انا اللي عم اطلبو منك ومن الفئة الغالية اللي عم تحكي باسمها انك تشوف من كل الزوايا
يعني النظام عم يرتكب اخطاء كمان فئة كبيرة من اللي عم تطالب بالحرية عم ترتكيب اخطاء
والاتنين تلطخت ايديهن بالدم
وبالنهائة رايحة علي وعليك وعلى االشعب اللي عم يحكي بنية حسنة وبطيبة قلب
سواء كان مؤيد أو معارض

وبالنسبة للشباب اللي كانو بالسفارة مبارح بالصدفة التقيت بواحد منهم من وقلي في ناس قللت ادب بالسفارة
يعني اللي صار مو من فراغ
وبحب خبرك اليوم في لقاء بالسفارة الساعة 2 الظهر من تنظيم بعض الشباب المطالبين بالحرية لكن الحرية كما ينبغي ان تكون
وبيعترفو انو الخطأ متبادل من كل الأطراف الموجودة على الأرض السورية الغالية
ورح يكون يكون باللقاء السفير والقنصل اللي بجدة ومجموعة من المعارضين العقلانيين
الاجتماع الساعة 2 بتوقيت الرياض بالسفارة اذا بيهمك الموضوع

أخي من الطيبة إسأل عن الأمن السعودي أو الخليجي بشكل عام

بعدين تكلم عنهم

عموما ماني بسيرتهم

بس فيك تسأل اللي بالخليج

في حال اتعدى واحد سعودي على واحد أجنبي حتى في أبسط الأمور مثل حادث سيارة

وقتها هل يستطيع الاجنبي أخذ حقة ؟ ( طبعاً في حال ما كان الاجنبي عندو واسطة )

واللي بالخليج بيعرف مين هوي الأجنبي ( غير السعودي من العرب) أما الصديق ( فهو أي مواطن غربي)

والله يا ابو حسام هون بالسعودية انا بفوت على اكبر ضابط وبحكي وباخذ حقي وهي حقيقة لا ننكرها وبدون واسطة بس بكون على حق وببلدي للاسف اذا ما عندي واسطة وفلوس علشان الرشوة بيضيع حقي وبينقلب عليي واتحداك اذا عندك غير هذا الكلام وبدليل بعض المحامين اغنياء جدا وبيستلمو قضايا مو نضامية دائما وبيربحوها واكيد في خسران بالطرف الاخر شي واحد درويش مع احترامي الشديد لرئيك
الحمد لله على سلامة الشباب

لأخي الطير الطيباني أنا ما قلت إنو عنا في فساد بدو معالجة

بس قلت إنو كمان في بكثير بلدان فساد بس أكيد مو مثل عنا

أما إنك تقلي إنو بتاخذ حقك بالخليج فمع احترامي الك

بتاخذو نعم بس ما يكون حقك من واحد خليجي

وإذا كان هذي جوابك فيمكن لأنك لم تتعرض لأي موقف مع واحد خليجي

على كلن الله يبعدك عنهن وعن شرورهن

طبعا كلامي هذي ما بيعني إنو ما في ناس محترمة في الخليج

بالعكس في ناس بتنشرب مع المي العكرة

وإذا خليت خربت

نسال الله العفو والعافية لجميع المسلمين وكل بلد فيها الصالح والطالح الله ينصر الحق
ويثبتنا على الحق ويوحد رئينا وكلمتنا ويبعد الخلاف عن جميع المسلمين عامة وعن اهل ضيعتي خاصة لان الطيبة بتضل هي الاصل وهي لي بتجمعنا كلنا

نسال الله العفو والعافية لجميع المسلمين وكل بلد فيها الصالح والطالح الله ينصر الحق
ويثبتنا على الحق ويوحد رئينا وكلمتنا ويبعد الخلاف عن جميع المسلمين عامة وعن اهل ضيعتي خاصة لان الطيبة بتضل هي الاصل وهي لي بتجمعنا كلنا

الكلام موجه للطير الطيباني الكلام يلي قالوا ابو حسام عن ضياع الحق بالخليج مظبوط لانو اذاكان الطرف الثاني خليجي فالحق معوا مية بالميةوصارت مع اكثر من واحد هون بالسعودية حتى الرشوة والفساد منتشرة اكثر من سوريا وصارت معي انو شرطي طلب 100 ريال مشان يوقعلي ورقة اصلاح سيارة بحجة الضابط مو موجود والكل بيعرف ورقة الاصلاح ما بدها شيء وهاد الحكي بالـ 2002 ومن فترة انكشفت قضايا فساد بالسعودية ومين منا ما سمع عن ظلم الكفلاء ومين منا ما بيعرف كيف بطلعوا الفيز وكيف بجددوا الاقامات وكيف بخرجوا و كيف........... بالطرق الغير نظامية (من تحت الطاولة) خلي الطابق مستور لك عمي - بس لانو كل واحد بشوف الامور حسب مابدوا انت شايف هيك - والله بعرف ضباط بفكوا مشنوق بس اذا احتجتو بشغلة فيها طرف سعودي بينكر معرفتو فيك .

في أمراض تعالج وهنلك أمراض تحتاج الى استاصال اللهم انا انسألك العفو العافيه
بلدنا يصعب العلاج دون استأصال وسوف نتحمل ألم الاستاصال
لكن 11 سنه ماحسن طبيبنا يعالج الفساد فلازم نغير الطبيب لان مامن داء الى له دواء الا الموت والهرم
هيك العقل بقول